快乐快3app:【头条独家】从影最激 《夕雾花园》首演露背情慾戏 李心洁爆老公彭顺唔想睇

                                                    马来西亚电影-【头条独家】从影最激 《夕雾花园》首演露背情慾戏 李心洁爆老公彭顺唔想睇-好运快三

                                                    • 时间:

                                                    北京高考变为4天

                                                    李心洁入行23年,一直守身如玉,最近相隔4年演出马来西亚电影《夕雾花园》,跟日本型男阿部寛首演大露背情慾戏,绝对是她从影以来最激一次。不过心洁话,其实自己向来冇底线,只要剧情需要绝对可以不顾一切,甚至露点演出都冇问题,她更直言有充满魅力的型男阿部寛做对手,令她更容易投入演出。不过,她又大爆最初同导演老公彭顺讲时,老公反应竟然系「我唔睇之嘛!」但她最后成功争取老公睇马来西亚版,笑言:「因为剪走咗!」 撰文:杜淑霞 摄影:李维隆 形象:Kary Kwok 发型:Domanic Tao@Orient4 化妆:Jane Lin 服装:Chanel、Maison Boinet@Cocktail、 Fion Poon 场地:Soho House Hong Kong

                                                    心洁自从16年为彭顺生完一对孖仔后专心凑仔,但今次电影太吸引令她决心复工,「个角色同故仔非常好,个年代我又未尝试过,对我嚟讲系突破,又系马来西亚电影,虽然我系马来西亚人,但系我事业喺台湾同香港,演嘅角色都系外国人多,一直希望多啲返去马来西亚演出,今次系第二次做番马来西亚人,所以睇完剧本好开心同激动,加上导演系林书宇,仲有对手系阿部寛。」

                                                    露点都接受到

                                                    讲到跟阿部寛的情慾戏,心洁坦言第一日做演员已冇考虑这问题,「对我嚟讲身体就系表演一部份,只要剧本有咁需要,合情合理同埋对个剧情有帮助推展就冇所谓,我睇到呢个剧本时,由头到尾都冇畀导演压力话我只可以露几多,净系沟通咩程度嘅裸露最符合呢场戏,话畀我听就得,我真系可以100%配合。(如果露点呢?)我自己其实接受㗎!(彭生呢?)咁梗系要礼貌上同尊重上,哈哈!我一定会讲嘅。最初接到呢个剧本时,系有好多呢啲戏,我有同佢讲清楚,佢就好直接话:『唔紧要,我唔睇之嘛!』但系我拍落真系觉得好好,最后𦧲到佢睇马来西亚版,因为剪走咗!哈哈!好彩佢系同行,系导演一定要明白同接受,我系行呢条路嘅演员,会为咗表演不顾一切!(系咪冇底线?)首先剧本有需要,第二,个导演我好信任,第三,个男主角我值得同佢喺戏里面咁做。好似今次我同阿部寛场戏系好紧要,唔系单纯讲做呢件事,系个角色激发咗潜在嘅愤怒,系我演戏以来最难处理嘅一场戏,难在我喺场戏咁短嘅表演里面,将咁复杂嘅情绪好有层次配合表现出嚟,我拍时都系只做到一Take。」

                                                    冇演员嫌奖少

                                                    心洁坦言今次对手是阿部寛,对她演出有好大帮助,「第一次同日本演员合作,就系同佢真系好兴奋,佢真系好有魅力,同埋佢企喺度气场好大,拣啱演员好紧要,我悭咗好多力,我唔使费力就可以爱上佢,同埋佢个角色系一个园艺大师,佢有嗰个风范,佢讲啲对白都好有智慧,冇一个咁有分量嘅演员讲冇嗰份说服力。」本来心洁觉得跟角色「云林」不太相似,但愈拍愈发觉对方对爱的执着有着自己的影子,「后尾都觉得有啲似自己经历挫折嘅时间,同埋深爱一人嗰种痛系好明白。(所以更需要彭生去睇?)哈哈!当然我每一部戏都好想佢去睇,佢嘅肯定都系我好大鼓励嚟嘅,因为佢系我真亲密嘅人,佢又系做呢行,系一个导演,佢又咁熟识我,睇我睇咗咁多年,睇我嘅电影仲觉得有新嘢同突破系好紧要。」

                                                    讲到再凭电影入围金马奖最佳女主角,心洁认为是好大肯定,但认为攞奖始终要靠运气,而她虽然提名及获奖经验丰富,仍会觉得激动和紧张,「无论咩年纪都好,冇一个演员嫌奖少,哈哈!只不过今次提名同以前有唔同意义,第一次提名时我仲系新演员,就咁攞咗,当然呢个肯定帮到继续行演员嘅路,但同时畀人定型,于是我就拒绝去演呢类戏,去揾唔同嘅机会,但唔知呢世等唔等到,所以呢次有提名令我好激动。」

                                                    今日关键词:我家那闺女官宣